اردو رپورٹ ڈیسک
امریکی سینٹرل کمانڈ (سینٹ کام) نے ایران میں امریکی پائلٹ کی ڈرامائی بازیابی کی ویڈیو واقعے کے پانچ ماہ بعد جاری کردی ہے۔
یہ واقعہ اپریل میں پیش آیا تھا، جب امریکی ایف 15 ای جنگی طیارہ ایران کے اوپر مار گرایا گیا تھا۔ طیارے میں موجود دو رکنی عملے میں سے ایک اہلکار کو چند گھنٹوں کے اندر بازیاب کرلیا گیا، جبکہ دوسرا اہلکار ایران کے پہاڑی علاقے میں زخمی حالت میں تقریباً 50 گھنٹے تک موجود رہا۔
First on 60 Minutes: Newly declassified video shows the rescue of the U.S. Air Force pilot who was shot down over Iran in April. https://t.co/jGagMqLvCy pic.twitter.com/KxqUITvbAN
— 60 Minutes (@60Minutes) September 14, 2026
زخمی اہلکار ایرانی فوج سے بچنے کے لیے چھپتا رہا
تباہ ہونے والے طیارے میں موجود دوسرا اہلکار اس کا ویپن افسر تھا، جسے بعد ازاں امریکی امدادی ٹیم نے بازیاب کرلیا۔
رپورٹ کے مطابق پیراشوٹ درست طور پر نہ کھلنے کے باعث اہلکار کے کندھے اور کمر میں فریکچر ہوگیا تھا۔ شدید زخمی ہونے کے باوجود وہ تقریباً دو روز تک ایرانی فوج سے بچنے کے لیے مختلف مقامات پر چھپتا رہا۔
امریکی افسر نے جان بچانے کے لیے 7 ہزار فٹ بلند پہاڑ پر چڑھنے کی کوشش بھی کی۔
امریکی کرنل نے پہلی بار تجربات بیان کردیے
بازیاب ہونے والے امریکی کرنل نے پہلی مرتبہ عوامی سطح پر اپنے تجربات بیان کرتے ہوئے بتایا کہ وہ زخمی حالت میں ایرانی علاقے میں دو دن تک کس طرح زندہ رہا۔
انہوں نے یہ بھی بتایا کہ امریکی امدادی ٹیم کس طرح ان تک پہنچی اور انہیں بحفاظت وہاں سے نکالا گیا۔
