اسپین کے فٹبال اسٹار لامین یامال سے منسوب تعلقات کے باعث سوشل میڈیا پر تنقید کا سامنا کرنے والی کانٹنٹ کریئٹر انیس گارشیا نے پہلی بار کھل کر ردعمل دیتے ہوئے صارفین سے ہمدردی اور احترام کا مطالبہ کیا ہے۔
سوشل میڈیا پلیٹ فارم ایکس (X) پر جاری ایک تفصیلی پیغام میں انیس گارشیا نے کہا کہ انہیں اندازہ نہیں تھا کہ ایک معمولی سی پوسٹ اتنے شدید ردعمل اور نفرت انگیز تبصروں کا سبب بن جائے گی۔ انہوں نے لکھا کہ وہ مسلسل آنے والے تبصرے پڑھ رہی ہیں اور مضبوط رہنے کی کوشش کے باوجود وہ بھی ایک عام انسان ہیں، جن کے اپنے جذبات، کمزوریاں اور احساسات ہیں۔
❤️🇪🇸 World Cup glory, sealed with a kiss. 😍😘
Lamine Yamal celebrates Spain's historic triumph with a kiss from his girlfriend Ines Garcia. 🏆✨#FIFAWorldCup #WorldCupFinal #WorldChampions #Spain #Espana #LaRoja #Yamal pic.twitter.com/Mfyc2zQB5V
— FIFA World Cup 2026 (@CinemaSporty) July 20, 2026
گارشیا کی درخواست
انیس گارشیا (Inés García) نے کہا کہ اختلافِ رائے یا مثبت تنقید ہر شخص کا حق ہے، لیکن کسی ایسے فرد کی کردار کشی یا تذلیل کرنا جسے ذاتی طور پر جانتے بھی نہ ہوں، کسی صورت درست نہیں۔ انہوں نے صارفین پر زور دیا کہ تبصرہ کرنے سے پہلے یہ ضرور سوچیں کہ اسکرین کے دوسری جانب بھی ایک ایسا انسان موجود ہے جس کی اپنی زندگی، خاندان، دوست اور جذبات ہیں۔
انہوں نے واضح کیا کہ وہ کسی سے خصوصی محبت یا حمایت کی خواہاں نہیں، بلکہ صرف اتنی درخواست کرتی ہیں کہ آن لائن گفتگو میں شائستگی، ہمدردی اور انسانیت کو مقدم رکھا جائے، کیونکہ کوئی بھی شخص ہزاروں نفرت انگیز پیغامات کا مستحق نہیں ہوتا۔
مذید خبریں
ورلڈ کپ کا ننھا اسٹار: لامین یمال کے بھائی کائن نے دنیا کے دل جیت لیے – urdureport.com
لامین یمال ایک مسلمان کھلاڑی : میسی کی گود سے لیکر ورلڈ کپ فائنل تک – urdureport.com
فیفا ورلڈ کپ 2030: سوسالہ جشن ، منفرد عالمی کپ،چھ میزبان کوالیفائیر – urdureport.com
انیس گارشیا کا یہ بیان ایسے وقت میں سامنے آیا ہے جب فیفا ورلڈ کپ 2026 (FIFA World Cup 2026) میں اسپین کی فتح کی تقریبات کی تصاویر اور ویڈیوز وائرل ہونے کے بعد سوشل میڈیا پر یہ قیاس آرائیاں شروع ہو گئی تھیں کہ لامین یامال (Lamine Yamal) نے جشن کے دوران انہیں نظر انداز کیا، جس کے بعد دونوں کے تعلقات کے خاتمے سے متعلق افواہیں گردش کرنے لگیں اور انیس گارشیا کو شدید آن لائن تنقید کا سامنا کرنا پڑا۔
