فیفا ورلڈ کپ 2026 میں پرتگال کا سفر راؤنڈ آف 16 میں ہی ختم ہو گیا، جہاں سپین نے سنسنی خیز مقابلے میں آخری لمحات کے گول کی بدولت ایک صفر سے کامیابی حاصل کر کے کوارٹر فائنل میں جگہ بنا لی۔
یہ ٹورنامنٹ پرتگال کے کپتان کرسٹیانو رونالڈو کے کیریئر کا آخری ورلڈ کپ ثابت ہوا۔ میچ کے بعد گفتگو کرتے ہوئے رونالڈو نے تصدیق کی کہ وہ آئندہ ورلڈ کپ میں شریک نہیں ہوں گے، تاہم انہوں نے اپنے مستقبل کے بارے میں فوری فیصلہ کرنے سے گریز کیا۔
میچ کے دوران دونوں ٹیموں نے محتاط حکمت عملی اپنائے رکھی اور مقررہ وقت تک کوئی بھی ٹیم گول نہ کر سکی۔ اضافی وقت میں جب مقابلہ پینلٹی شوٹ آؤٹ کی جانب بڑھتا دکھائی دے رہا تھا تو سپین کے میکل میرینو نے انجری ٹائم میں فیصلہ کن گول کر کے پرتگال کی امیدوں پر پانی پھیر دیا۔
رونالڈو نے کیا کہا ؟
شکست کے بعد رونالڈو نے کہا کہ انہیں اپنے مستقبل کے بارے میں سوچنے، اہلِ خانہ کے ساتھ وقت گزارنے اور کسی بھی فیصلے میں جلد بازی سے بچنے کی ضرورت ہے۔ ان کا کہنا تھا کہ فٹبال میں کامیابی اور ناکامی دونوں کھیل کا حصہ ہیں اور ہر کھلاڑی کو ہر نتیجے کے بعد آگے بڑھنا ہوتا ہے۔
مذید خبریں
فیفا ورلڈ کپ 2026 میرا آخری ورلڈ کپ ہوگا، کرسٹیانو رونالڈو – urdureport.com
فیفا ورلڈ کپ آغاز 2026: میسی اور رونالڈو کا آخری امتحان – urdureport.com
اس فتح کے ساتھ سپین نے کوارٹر فائنل میں رسائی حاصل کر لی، جہاں اس کا سامنا بیلجیم سے ہوگا۔
امریکہ کو شکست
دوسری جانب بیلجیم نے امریکہ کو 1-4 سے شکست دے کر آخری آٹھ ٹیموں میں جگہ بنائی۔
امریکہ کی شکست کے بعد فیفا ورلڈ کپ 2026 کے تینوں میزبان ممالک، امریکہ، کینیڈا اور میکسیکو، ٹورنامنٹ سے باہر ہو چکے ہیں۔
