چیئرمین پاکستان پیپلز پارٹی بلاول بھٹو زرداری کی ایک حالیہ پریس کانفرنس کے دوران پارٹی رہنما شازیہ مری کے ساتھ ہونے والی مختصر گفتگو سوشل میڈیا پر زیرِ بحث آ گئی۔
پریس کانفرنس میں ایک صحافی نے سوال کیا کہ بعض وفاقی وزرا کی جانب سے بے نظیر انکم سپورٹ پروگرام کو صوبوں کے حوالے کرنے کی تجویز دی جا رہی ہے۔ اس پر بلاول بھٹو زرداری Bilawal Bhutto Zardari نے استفسار کیا کہ یہ بیان کس وزیر نے دیا ہے۔ اسی دوران شازیہ مری Shazia Marri نے وضاحت کرتے ہوئے کہا کہ یہ مؤقف وزیر کھیئل داس کوہستانی کی جانب سے سامنے آیا تھا۔
شازیہ مری کو ڈانٹنے پر بلاول بھٹو زرداری تنقید کی زد میں ، ان کی جانب سے یہ غیر معمولی رویہ اپنایا گیا pic.twitter.com/7tYyqnjNEQ
— Urdu Report (@UrduReportpk) May 15, 2026
اس پر بلاول بھٹو نے جواب دیتے ہوئے کہا، “میں نے آپ سے نہیں پوچھا۔” شازیہ مری نے فوری طور پر وضاحت دی کہ وہ محض معلومات فراہم کر رہی تھیں، جس کے بعد بلاول بھٹو نے “تھینک یو” کہا اور سوال کا جواب جاری رکھا۔ انہوں نے کہا کہ ہر سیاسی شخصیت کو اپنی رائے اور مطالبات پیش کرنے کا حق حاصل ہے۔
مذید پرھئِے
نئی 28ویں آئینی ترمیم میں ایسا کیا جس پر اب پیپلز پارٹی میں ہلچل مچ گئی؟ – urdureport.com
ایران جنگ :بھارت میں تیل تین جبکہ پاکستان میں156روپے لیٹر مہنگا کیوں؟ – urdureport.com
ویڈیو وائرل
واقعے کی ویڈیو سوشل میڈیا پر وائرل ہونے کے بعد مختلف صارفین نے اس پر ردِعمل دیا۔ بعض صارفین نے بلاول بھٹو کے اندازِ گفتگو کو غیر مناسب قرار دیتے ہوئے کہا کہ ایک سینئر خاتون رہنما سے اس لہجے میں گفتگو نہیں ہونی چاہیے۔ جبکہ کچھ تبصرہ نگاروں نے مؤقف اختیار کیا کہ ممکن ہے بلاول بھٹو متعلقہ وزیر کے بیان سے لاعلمی ظاہر کرتے ہوئے اپنا سیاسی نکتہ واضح کرنا چاہتے ہوں، تاہم شازیہ مری کی فوری مداخلت سے صورتحال مختلف انداز میں دیکھی گئی۔
سوشل میڈیا پر کئی صارفین نے مطالبہ کیا کہ اگر بلاول بھٹو سے سخت لہجہ اختیار ہوا ہے تو انہیں شازیہ مری سے معذرت کرنی چاہیے، جبکہ بعض افراد نے اسے سیاسی جماعتوں کے اندر رویوں اور قیادت کے انداز سے جوڑ کر بھی تنقید کا نشانہ بنایا۔
