پاکستانی شوبز انڈسٹری کی اداکارہ مامیا شاہ جعفر اور ارسلان بٹ کے درمیان مبینہ ورک پلیس ہراسگی کے تنازع کے بعد معاملہ خوش اسلوبی سے حل کر لیا گیا ہے، اور دونوں فریقین نے باہمی رضامندی سے صلح کر لی ہے۔
تفصیلات کے مطابق یہ تنازع اس وقت شروع ہوا جب ایک ٹی وی شو میں مامیا شاہ جعفر نے ایک ’ارسلان‘ نامی شخص کے حوالے سے غیر آرام دہ رویے کا ذکر کیا تھا، جس کے بعد معاملہ سوشل میڈیا اور قانونی سطح تک پہنچ گیا۔
بعد ازاں دونوں اداکاروں کے درمیان الزامات اور جوابی نوٹسز کا تبادلہ ہوا، جس میں ارسلان بٹ نے قانونی نوٹس دیتے ہوئے الزامات کو سختی سے مسترد کیا جبکہ مامیا شاہ جعفر نے بھی جوابی نوٹس کے ذریعے اپنے مؤقف کا دفاع کیا۔
مفاہمت کا راستہ
معاملہ مزید بڑھنے کے بعد دونوں فریقین نے قانونی چارہ جوئی کے بجائے تصفیہ کا راستہ اختیار کیا۔ حالیہ تصفیہ نامے کے مطابق دونوں نے تمام الزامات، شکایات اور قانونی کارروائیوں کو واپس لیتے ہوئے معاملے کو مکمل طور پر ختم کرنے پر اتفاق کیا ہے۔
مذید خبریں
لوگ مجھے کوجی کہہ کہتے : صنم سعید نے کرارا جواب دے دیا – urdureport.com
سارہ خان اور علیزے شاہ کے درمیان چھوٹے کپڑے پہننے پر تنازع مزید شدت اختیار کر گیا – urdureport.com
معاہدے میں واضح کیا گیا ہے کہ دونوں فریقین اب اس واقعے سے متعلق کوئی دعویٰ یا بیان دوبارہ نہیں دیں گے اور نہ ہی ایک دوسرے کے خلاف منفی یا ہتک آمیز بیانات جاری کریں گے۔
ذرائع کے مطابق یہ تصفیہ باہمی رضامندی، ثالثوں اور قریبی افراد کی مدد سے ممکن ہوا، جبکہ دونوں نے اس بات پر اتفاق کیا کہ معاملہ اب ماضی کا حصہ ہے اور اسے مکمل طور پر ختم سمجھا جائے۔
