پاکستانی شوبز انڈسٹری کی معروف اداکارہ صنم سعید Sanam Saeed نے کہا ہے کہ انہیں اپنے فنی سفر کے دوران سوشل میڈیا پر زیادہ تنقید کا سامنا نہیں کرنا پڑا، البتہ بعض افراد نے ان کی ظاہری شخصیت کو نشانہ بنانے کی کوشش کی۔
ایک حالیہ انٹرویو میں گفتگو کرتے ہوئے اداکارہ نے بتایا کہ چند صارفین انہیں نامناسب القابات سے پکار کر تنقید کرتے رہے، تاہم انہوں نے کبھی ایسے تبصروں کو اپنی ذہنی کیفیت پر اثر انداز نہیں ہونے دیا۔بعض افراد انہیں ’کوجی‘ کہہ کر مخاطب کرتے تھے لیکن وہ اس قسم کے تبصروں کو سنجیدگی سے نہیں لیتیں۔
صنم سعید کا کہنا تھا کہ کسی کے چہرے، رنگت یا جسمانی ساخت پر تنقید دراصل اس کی ذات پر نہیں بلکہ اس تخلیق پر تبصرہ ہے جو اللہ تعالیٰ نے بنائی ہے۔ ان کے مطابق ہر انسان اپنی منفرد شناخت اور خوبصورتی رکھتا ہے، اس لیے ظاہری شکل و صورت کو تنقید کا نشانہ بنانا درست رویہ نہیں۔
رنگوں کا پسند
گفتگو کے دوران خوبصورتی کے روایتی معیار پر بھی بات ہوئی۔ میزبان نے نشاندہی کی کہ پاکستانی معاشرے میں اکثر گورے رنگ اور مخصوص خدوخال کو خوبصورتی سے جوڑا جاتا ہے، جبکہ دنیا کے کئی ممالک میں مختلف رنگتوں اور چہروں کو یکساں طور پر پسند کیا جاتا ہے۔
مذید خبریں
سارہ خان اور علیزے شاہ کے درمیان چھوٹے کپڑے پہننے پر تنازع مزید شدت اختیار کر گیا – urdureport.com
اداکارہ مومنہ اقبال کی شادی وائرل امیر دولہےحمزہ امیر بارئے تجسس بڑھ گیا – urdureport.com
اس حوالے سے صنم سعید نے کہا کہ ان کے نقوش اور رنگت پاکستانی معاشرے میں عام پائے جانے والے خدوخال سے ملتے جلتے ہیں۔ انہوں نے بتایا کہ اکثر خواتین ان سے مل کر کہتی ہیں کہ ان کی شکل کسی نہ کسی طور ان سے مماثلت رکھتی ہے، جسے وہ اپنے لیے اعزاز سمجھتی ہیں۔
صنم سعید پاکستانی ڈرامہ اور فلم انڈسٹری کی نمایاں اداکاراؤں میں شمار ہوتی ہیں اور اپنی جاندار اداکاری کے باعث ملک و بیرونِ ملک وسیع پذیرائی حاصل کر چکی ہیں۔
