ارجنٹینا (Argentina) کے عالمی شہرت یافتہ فٹبالر لیونل میسی (Lionel Messi) نے بین الاقوامی فٹبال سے فوری ریٹائرمنٹ کا فیصلہ مؤخر کر دیا ہے، جبکہ ان کے اعزاز میں ایک خصوصی الوداعی میچ کرانے کی تیاریاں جاری ہیں۔
غیر ملکی میڈیا رپورٹس کے مطابق 2026 فیفا ورلڈ کپ (FIFA World Cup 2026) کے فائنل میں اسپین (Spain) کے ہاتھوں 1-0 کی شکست کے بعد میسی کے فوری طور پر قومی ٹیم کو خیرباد کہنے کی توقع کی جا رہی تھی، تاہم اب اطلاعات ہیں کہ ارجنٹائن فٹبال ایسوسی ایشن (Argentine Football Association) ان کے شاندار بین الاقوامی کیریئر کو خراجِ تحسین پیش کرنے کے لیے اپنے ملک میں ایک خصوصی الوداعی میچ منعقد کرنا چاہتی ہے۔
مداحوں کی کواہش
رپورٹس کے مطابق اس میچ کے ذریعے ارجنٹینا کے مداحوں کو میسی کو میدان میں آخری بار قومی ٹیم کی نمائندگی کرتے دیکھنے کا موقع ملے گا، جس کے بعد وہ باضابطہ طور پر بین الاقوامی فٹبال سے ریٹائرمنٹ کا اعلان کریں گے۔
دوسری جانب انٹر میامی (Inter Miami) نے ورلڈ کپ میں مسلسل شرکت کے بعد میسی کو آرام کی اجازت دے دی ہے۔ فیفا (FIFA) اور عالمی فٹبالرز کی تنظیم فف پرو (FIFPRO) کے رہنما اصولوں کے تحت بڑے بین الاقوامی ٹورنامنٹ کے بعد کھلاڑیوں کو کم از کم 21 دن کا آرام دیا جاتا ہے۔
اسی وجہ سے میجر لیگ سوکر (Major League Soccer – MLS) نے بھی تصدیق کی ہے کہ لیونل میسی اس سال کے ایم ایل ایس آل اسٹار گیم (MLS All-Star Game) میں شرکت نہیں کریں گے۔ لیگ کا کہنا ہے کہ ورلڈ کپ فائنل میں شرکت کرنے والے کھلاڑیوں کو خصوصی استثنا دیا گیا ہے تاکہ وہ مکمل جسمانی بحالی کے بعد دوبارہ ایکشن میں واپس آ سکیں۔
میسی اپنے شہر میں
ورلڈ کپ کے بعد میسی اپنے آبائی شہر روزاریو (Rosario) میں وقت گزار رہے ہیں، جہاں انہیں حال ہی میں ایک مقامی فٹبال میچ دیکھتے ہوئے بھی دیکھا گیا۔
مذید خبریں
فیفا ورلڈ کپ آغاز 2026: میسی اور رونالڈو کا آخری امتحان – urdureport.com
فیفا ورلڈ کپ 2030: سوسالہ جشن ، منفرد عالمی کپ،چھ میزبان کوالیفائیر – urdureport.com
ورلڈ کپ کا ننھا اسٹار: لامین یمال کے بھائی کائن نے دنیا کے دل جیت لیے – urdureport.com
لیونل میسی نے اپنے بین الاقوامی کیریئر میں ارجنٹینا کو 2021 کا کوپا امریکا (Copa América)، 2022 کی فائنالیسیما (Finalissima)، 2022 کا فیفا ورلڈ کپ (FIFA World Cup) اور 2024 کا کوپا امریکا جتوانے میں مرکزی کردار ادا کیا، جس کے باعث انہیں ارجنٹینا کی تاریخ کے عظیم ترین فٹبالرز میں شمار کیا جاتا ہے۔
تاہم ارجنٹائن فٹبال ایسوسی ایشن کی جانب سے تاحال الوداعی میچ یا میسی کی ریٹائرمنٹ کے حوالے سے کوئی باضابطہ اعلان سامنے نہیں آیا، اور اس بارے میں مزید تفصیلات کا انتظار کیا جا رہا ہے۔
