پاکستان گڈز ٹرانسپورٹ اونرز ایسوسی ایشن نے ملک بھر میں غیر معینہ مدت کی ہڑتال کا اعلان کر دیا ہے جو آٹھ اگست سے شروع ہو گی۔ تنظیم کا کہنا ہے کہ یہ احتجاجی سلسلہ اس وقت تک جاری رہے گا جب تک ان کے مطالبات تسلیم نہیں کیے جاتے جبکہ گڈز ٹرانسپورٹ ایسوسی ایشن نے وزیر پٹرولیم سے استعفیٰ کا مطالبہ بھِ کر دیا۔
ایسوسی ایشن کے سربراہ اویس چوہدری نے واضح کیا کہ ڈیزل کی قیمتوں میں روز بروز ہونے والا اضافہ فوری طور پر بند کیا جائے۔ ان کے مطابق تنظیم چاہتی ہے کہ ڈیزل کی نرخوں میں تبدیلی روزانہ کی بجائے ماہ وار بنیاد پر کی جائے، ٹول ٹیکس کی شرح میں کمی لائی جائے، اور وفاقی وزیر پیٹرولیم اپنے عہدے سے مستعفی "Federal Petroleum Minister Resigns from His Post”
ہوں۔
پریس کلب میں نیوز کانفرنس
اسلام آباد پریس کلب میں منعقدہ نیوز کانفرنس کے دوران تنظیم نے بتایا کہ ہڑتال petrol pump strike کی مدت میں ملک بھر کے تمام گڈز ٹرمینلز کو بند رکھا جائے گا اور نقل و حمل کی سرگرمیاں اس وقت تک روکی جائیں گی جب تک حکومت مطالبات پر عمل درآمد نہیں کرتی۔
تنظیم کی جانب سے جاری بیان میں حکومت کے سامنے کل چھ نکات رکھے گئے ہیں: ڈیزل کے نرخوں میں فوری کمی، پیٹرولیم مصنوعات پر لاگو مختلف محصولات میں کمی، سات فیصد ودہولڈنگ ٹیکس کے خاتمے کے بدلے دو فیصد ٹرن اوور ٹیکس کا نفاذ، ایکسل لوڈ سے متعلقہ ضوابط کا نئے سرے سے جائزہ، کسٹمز قواعد میں تبدیلی، اور ڈرائیوروں کے لیے ایچ ٹی وی لائسنس کے حصول کے طریقہ کار کو سہل بنانا۔
تنظیم نے مزید زور دیا کہ ایندھن پر عائد بھاری اخراجات کے پیش نظر ڈیزل کی قیمت میں کمی ناگزیر ہے، اور اسی طرح پیٹرولیم مصنوعات پر ٹیکسوں کی شرح بھی گھٹائی جانی چاہیے۔ اس کے علاوہ ایکسل لوڈ کے قوانین کو یکساں اور عملی بنانے، اوورلوڈنگ روکنے کے لیے سخت قانون سازی، اور کسٹمز کے موجودہ ضوابط میں فوری بہتری کا مطالبہ بھی دہرایا گیا۔
قومی معیشت
تنظیم کا موقف ہے کہ گڈز ٹرانسپورٹ کا شعبہ قومی معیشت میں کلیدی حیثیت رکھتا ہے، مگر بڑھتی لاگت اور حکومتی پالیسیوں کے باعث یہ شعبہ اس وقت شدید دباؤ کا شکار ہے۔ ان کے بقول اگر مطالبات پر توجہ نہ دی گئی تو آٹھ اگست سے شروع ہونے والی ہڑتال غیر معینہ مدت تک جاری رہے گی۔
مذید خبریں
پٹرول پمپ مالکان نے ہڑتال مؤخر کر دی، حکومت کو 15 دن کی مہلت – urdureport.com
آئی ایم ایف بجٹ مذاکرات :پٹرولیم لیوی میں پھر اضافہ۔بجلی گیس مہنگی – urdureport.com
اس کے جواب میں وفاقی وزیر پیٹرولیم علی پرویز ملک نے مؤقف اپنایا کہ پیٹرول کی قیمتوں کو روزانہ کی بنیاد پر مقرر "Petrol Prices Set on a Daily Basis”
کرنے کا مقصد نظام میں شفافیت پیدا کرنا اور ذخیرہ اندوزی و مصنوعی قلت جیسے مسائل سے نمٹنا ہے۔ ان کا کہنا تھا کہ قیمتوں میں اضافہ عالمی منڈی کے رجحانات کے مطابق کرنا پڑتا ہے۔ وزیر نے مزید کہا کہ اگرچہ آئی ایم ایف عموماً لیوی میں کمی پر آسانی سے رضامند نہیں ہوتا، تاہم موجودہ پیٹرولیم لیوی خطے میں ماضی کی جنگی یا بحرانی صورتحال کے دوران عائد کی گئی لیوی کے مقابلے میں اب بھی کم ہے۔
