بلوچستان میں تقریباً دو ہفتے قبل لاپتہ ہونے والے یونیورسٹی آف گوادر کے وائس چانسلر، پرو وائس چانسلر، ایک انتظامی افسر اور ڈرائیور اتوار کے روز بحفاظت بازیاب ہو گئے۔ حکام کے مطابق چاروں افراد ضلع مستونگ کے علاقے کردگاپ سے ملے ہیں۔
غیر ملکی خبر رساں ادارےمحکمہ داخلہ بلوچستان کے معاون برائے میڈیا بابر یوسفزئی نے کے مطابق بازیابی کی تصدیق کرتے ہوئے بتایا کہ تمام افراد محفوظ ہیں، تاہم انہوں نے بازیابی کے طریقۂ کار یا دیگر تفصیلات سے متعلق کچھ نہیں بتایا۔ وائس چانسلر پروفیسر ڈاکٹر عبدالرزاق صابر کے اہلخانہ نے بھی ان کی گھر واپسی کی تصدیق کی ہے۔
مذید پڑھئِے
گوادر یونیورسٹی کے مغوی وائس چانسلر سمیت تین اساتذہ اغوا قتل یا زندہ – urdureport.com
سمندری قزاقوں نے لاکھوں ڈالر تاون طلب کرلیا عملے کی طبیعت خراب – urdureport.com
یاد رہے کہ پروفیسر ڈاکٹر عبدالرزاق صابر، پرو وائس چانسلر پروفیسر ڈاکٹر سید منظور احمد، پرسنل اسٹاف آفیسر ڈاکٹر ارشاد احمد بلیدی اور ڈرائیور حاتم بدل 13 مئی کو گوادر سے کوئٹہ جاتے ہوئے لاپتہ ہو گئے تھے۔
اگرچہ سرکاری سطح پر اغوا کے امکان کو رد نہیں کیا گیا تھا، تاہم کسی تنظیم یا گروہ نے ان افراد کی گمشدگی کی ذمہ داری قبول نہیں کی۔ چاروں اہلکاروں کی بازیابی کو تعلیمی برادری نے ایک مثبت پیش رفت قرار دیا ہے۔
